To My Broken Heart

I know you're broken and shattered,
Yes, deep inside you are destroyed.
With loss of everything that mattered,
Nothing remains there, except a void.

All night, you have wept and cried,
But no one listened to your plight.
In rain of tears, your feelings have dried,
You seek some sunshine in this Night.

You are not the same one you were,
with  that each ache you've endured.
As this Cold winter is getting harder,
 It is towards warmth you're allured.

But you should be happy and gay,
For some feet still walk your way.

-Viraj O. Desai ©

ગુજરાતી ભાષાનાં ગાલિબ મરીઝ સાહેબની પંક્તિ પરથી રચાયેલ આ ગઝલ આ વરસાદી માહોલમાં મારાં તરફથી આપ સૌ માટે :

ખાનગીમાં મન ભલે થોડુંય શરમાયું નહીં,
રૂબરૂમાં એની સામે એમ જોવાયું નહીં.

રોજ તારી વાત મારી જાગતી રાતને કરું,
બસ તને એ વિશે કોઈ દિ' કહેવાયું નહીં.

કર્મ સાથે ધર્મ, પાછાં દુન્યવી આ બંધનો,
એક દોરે તો બધું ક્યારેય ગૂંથાયું નહીં.

એ બધું પામી જશે જો મુજ ગઝલ તું વાંચશે,
આંખમાં મારી તને જે હેત વંચાયું નહીં.

કેટલી યાદો મથી છે રોકવાં માટે છતાં,
જિંદગીથી તો કશે થોડુંય રોકાયું નહીં.

-વિરાજ દેસાઈ©

સાહિત્ય સંગમ ખાતે યોજાયેલ તરહી મુશાયરામાં ડો.રઈશ મણિયારની પંક્તિ પર રજૂ કરેલી ગઝલ :

ડાળને ન ઝૂલાવે, તે હવા અધૂરી છે,
જે વ્યથાને અડકે નહિં, તે કલા અધૂરી છે.

તેં ખતમ કરી ત્યાંથી તો હજુ શરૂ થઈ છે,
હું કહું છું, સગપણની આ કથા અધૂરી છે.

તું ભલે ફરજમાં તો કંઇ કસર ન છોડે પણ,
લાગણી વિનાની હો, તો વફા અધૂરી છે.

આંખને ભલે તે ભીની કરી શકે થોડી,
હૈયું ન પલાળે જો, તો વ્યથા અધૂરી છે.

પાંખને પસારીને કેમ તું સતત ઊડે?
બાથમાં ગગન ભરવાની રઝા અધૂરી છે?

-વિરાજ ઓ. દેસાઈ©

ईश्क मुझे आप से या कुछ और हैं,
आज दिलमें हैं कसक वो कुछ और हैं।

जिंदगी के शोर सारे सुनने के बाद,
सुन लेना भीतर दबा जो ईक शोर हैं।

-विराज देसाई ©
(First attempt at Hindi! गुस्ताखी माफ!)

કસ્ટડી

એ ઢળતી બપોરે તું બોલ્યો,
હવે આપણે છૂટાં થયાં!!
અને મેં એ જ વખતે,
મારાં જતનથી ઉછરેલાં,
વ્હાલા સપનાંઓને,
મારી છાતીનાં એક ઊંડા...
ઊંડા પોલાણમાં દાબી દીધાં હતાં.

અને આજે,અચાનક જ,
તને મારાં આ સ્વપ્નોની કસ્ટડી ફરી જોઈએ?
એ તો તને નહીં જ મળે!!

મારાં આ વર્ષોથી તરફડતાં સ્વપ્નોને,
તું જો ફરી મૂળેથી કચડશે,
તો આ વખતે હુંય તેમની જેમ,
 વર્ષોથી તરફડતી,
તૂટીને મરી જ જઈશ.

તેથી  મારાં સપનાઓની કસ્ટડી તો તને નહીં જ મળે!

-વિરાજ દેસાઇ ©

કારણ વગર....!

ક્ષણ તને ઠરવું હતું કારણ વગર,
આપણે મળવું હતું કારણ વગર.

પ્રેમ,રેતી ને સમય-એ સર્વને,
હાથથી સરવું હતું કારણ વગર.

જાનલેવા રોગ છે જીવન છતાં,
આપણે જીવવું હતું કારણ વગર.

ખૂશ્બુનાં ઊડી જવાનાં દુઃખમાં,
ફૂલને ખરવું હતું કારણ વગર.

શાંત સર મન-જ્યાં વમળ કૈં સર્જવા,
યાદને તરવું હતું કારણ વગર.

-વિરાજ દેસાઇ ©

મારી શું ભૂલ?

"મમ્મી,મને આ punishment કેમ મળી?
અને આ Rape શું હોય?
કાલે પેલા બાજુવાળા અંકલમાં,
બાની વાર્તાવાળો રાક્ષસ આવેલો?
પણ એને તો ભગવાન ત્યારે જ મોકલે,
જ્યારેકોઇ mistake ની ભગવાને સજા આપવી હોય.

અને મેં તો નથી મીનીનાં વાળ ખેંચ્યા,
ને ભાઈ સાથે ઝઘડો પણ નથી કર્યો,
ને ફ્રીઝમાંથી ચોક્લેટ પણ નથી લીધી,promise!!
મારી શું mistake હતી? મને યાદ જ નથી આવતું."

અને તેના આ સવાલનો જવાબ
એની મમ્મી પાસે તો નથી,મારી પાસેય નથી.

શું આપની પાસે છે?
#Delhi#Shame#A5yearoldDoll? :( :'(